प्रकाशन तारीख: २० डिसेंबर २०२४
सिनेमा टॉकीजचे रेटिंग : 9/10
कलाकार: उन्नी मुकुंदन, इशान शौलथ, अभिमन्यू एस थिलकन, युक्ती थरेजा, कबीर दुहान सिंग, सिद्दिकी आणि इतर
दिग्दर्शक: हनीफ अदेनी
निर्माता: शरीफ मुहम्मद
संगीत दिग्दर्शक : रवी बसरूर
छायालेखक : चंद्रू सेल्वराज
Marco Movie Review : व्हिक्टर डी’पीटर (इशान शौलथ), या आंधळ्या माणसाची रसेल (अभिमान्यू एस थिलकन) आणि त्याच्या टोळीतल्या इतर सदस्यांद्वारे निर्दयतेने हत्या करण्यात येते. व्हिक्टरचा दत्तक भाऊ, मार्को डी’पीटर म्हणजेच उन्नी मुकुंदन, इटलीहून परततो, जिथे तो प्रचंड सूडाची आग धरून आलेला असतो. मार्को जेव्हा त्याच्या भावाच्या मृत्यूसाठी कारणीभूत असलेला रसेलला शोधून काढतो, तेव्हा त्याच्या मनात विचार येतो की, रसेल आहे कोण ? आणि त्याने व्हिक्टरची हत्या का केली? व्हिक्टरच्या दुःखद मृत्यूमागे कोणती गुपिते लपली आहेत आणि मार्को त्याच्या सूडाच्या शोधात किती पुढे जाऊ शकतो? या सर्व प्रश्नांची उत्तरे आपल्याला चित्रपटात पहायला मिळतील.
मार्को चित्रपटाचे पॉझिटिव्ह पॉइंट्स :
मार्को चित्रपटाचे पॉझिटिव्ह पॉईंट्स असे आहेत की,उन्नी मुकुंदनने मार्को या व्यक्तीचा साकारलेला अभिनय वाखण्यजोगा आहे, विशेषत: त्याच्या तीव्र आणि प्रभावी अभिनयाने तो सर्वांचे लक्ष वेधून घेतो, जो त्याच्या पूर्वीच्या भूमिका आणि अभिनयापासून वेगळा ठरतो. त्याच्या शारीरिक बदलाचा प्रभाव स्पष्टपणे दिसतो आणि त्याने पडद्यावर मांडलेली निर्दयी ऍक्शन दृश्ये अत्यंत कौशल्याने अंमलात आणली आहेत ती जेव्हा पडद्यावर दिसतात तेव्हा प्रेक्षकांचा एकच थरकाप उडुन जातो.
दुसऱ्या अर्ध्या भागातील ऍक्शन दृश्ये विशेषतः चांगल्या प्रकारे कोरियोग्राफ केली आहेत, ज्यामुळे ऍक्शन प्रेमींसाठी प्रचंड ॲडवेंचरचा अनुभव देऊन जातो. या ॲक्शन साठी ‘कलाई किंग्सनला’ क्रेडिट द्यायला हवे, कारण त्याने या ॲक्शन सीनला अचूकतेने अंमलात आणले आहे आणि त्याचे रूपांतर भयंकर रीतीने ग्राफिक दृश्यांमध्ये केले आहे, ज्यामुळे चित्रपटाला एक धक्कादायक वळण मिळते.
खलनायक कबीर दूहन सिंगचा स्क्रीन टाइम कमी असला तरी त्याचा स्क्रीनवर प्रभाव मजबूत दिसतो, विशेषत: उन्नी मुकुंदनसोबत त्याचा जेव्हा सामना होतो तो भयानक आणि धक्कादायक वाटतो त्याचबरोबर सहाय्यक कलाकारांची कामगिरीही चित्रपटात सकारात्मक पाहायला मिळते .
मार्को सिनेमाचे नकारात्मक पॉइंट्स :
मार्को सिनेमाचे नकारात्मक पॉइंट्स असे आहेत की, जरी ऍक्शन विभागात मार्को यशस्वी झाला असला, तरीही त्याच्या कथानकात कमतरता भासते. प्लॉट साधा आहे आणि त्यात इतकी प्रभावशाली गोष्ट नाही की तो चित्रपट लक्षात राहील. मार्कोच्या सूडाच्या शोधातील भावनिकता कमी दिसते, त्यामुळे प्रेक्षकांशी त्याच्या भावनिक संबंध जोडायला थोडा कठीण जातो. याव्यतिरिक्त, चित्रपटातील ग्राफिक हिंसा आणि रक्तरंजित दृश्ये कुटुंबांसाठी आणि संवेदनशील प्रेक्षकांसाठी अधिक असह्य असू शकतात.
अत्याधिक हिंसा कथानकाच्या दृष्टीने आवश्यक असली तरी, ती अशा प्रेक्षकांसाठी नाही जे या प्रकारच्या तीव्रतेसाठी तयार नाहीत. तसेच, चित्रपटात अनेक पात्रांची ओळख करून दिली आहे, मात्र त्यापैकी काहीच योग्य प्रकारे विकसित झाली आहेत, ज्यामुळे उर्वरित पात्रे दुर्लक्षित दिसून येतात.
मार्को चित्रपटाचे तांत्रिक पैलू :
तांत्रिक दृष्टिकोनातून, दिग्दर्शकाची हिंसक आणि ऍक्शनने भरलेली फिल्म बनवण्याची महत्त्वाकांक्षा स्पष्ट दिसून येते. रवी बसरूर ज्यांनी ‘के जीएफ’!आणि ‘सलार’ सारख्या दिग्गज चित्रपटांचे पार्श्वसंगीत दिले आहे त्यांनी तयार केलेले मार्कोचे पार्श्वसंगीत त्याच्या चित्रपटाला प्रभावशाली बनवते.संपूर्णपणे, मार्को एक हिंसक ऍक्शन चित्रपट आहे, जो विशेषत: एक विशिष्ट प्रेक्षक वर्गासाठी बनवलेला आहे. उन्नी मुकुंदनचा अभिनय उत्कृष्ट आहे, आणि जी ऍक्शन बनवलेली आहेत ती दृश्ये तीव्र थरकाप उडवणारी आहेत.
तथापि, चित्रपटात दाखवलेली हिंसा कुटुंबांसाठी आणि संवेदनशील प्रेक्षकांसाठी अनुपयुक्त आहे. जरी ऍक्शन आकर्षक असला तरी, चित्रपटात भावनिक खोली आणि मजबूत कथानकाचा अभाव पहायला मिळतो. जो कोणी भयंकर ऍक्शनचा दिवाना आहे, त्याला या चित्रपटात खुप मजा येईल, सिनेमा सुरुवातीपासून थोडा हळुवार चालू होतो नंतर मध्यंतरापासून तो इतका हिंसक वळण घेतो की एक ॲक्शन चित्रपट आवडणाऱ्या व्यक्तींसाठी ती एक मेजवानीच ठरते.